Tvímæli - þýðingar og bókmenntir

Vestur-Evrópa á siðmenningu sína þýðendum að þakka, segir fræðimaður nokkur sem vitnað er til í þessari bók. Hvort sem menn eru sammála þessari fullyrðingu eða ekki, er augljóst að framlag þýðinga til bókmennta og menningar hefur verið stórlega vanmetið.

Tvímæli er fyrsta bók sinnar tegundar á íslensku. Hún fjallar á gagnrýninn og aðgengilegan hátt um þýðingafræði og lýsir hugtökum hennar og viðfangsefnum. Áhersla er lögð á bókmenntaþýðingar og meðal annars fjallað um stöðu og vægi þýðinga í íslenskri menningu og bókmenntasögu.

Höfundur er prófessor í almennri bókmenntafræði við Háskóla Íslands.