Afbrot og refsiábyrgð II

Rit þetta er annar hluti fræðirits höfundar um hinn almenna hluta refsiréttar. Það byggist á löngum rannsókna- og kennsluferli hans á þessu sviði. Í verkinu er í fimm þáttum fjallað um saknæmisfræðin: grundvallarregluna um saknæmi, afbrigðilega refsiábyrgð, ásetning, þokukenndan ásetning og hvatir og loks gáleysi. Þá fylgja ritinu ítarlegar skrár. Höfundur hefur verið prófessor í lögfræði við lagadeild Háskóla Íslands frá árinu 1970 og hefur stundað ritstörf og kennslu í refsirétti, skattarétti og opinberu réttarfari.