Fléttur VII – Hinsegin Ísland í alþjóðlegu samhengi

Hér er rýnt í aðstæður hinsegin fólks á Íslandi: réttindi intersex fólks greind, varpað ljósi á ofbeldi og mismunun gegn jaðarsettum hópum innan hinsegin samfélagsins, hinsegin fjölskyldur skoðaðar út frá áhrifum nýfrjálshyggju og fjallað um viðhorfabreytingu í íslensku samfélagi. Í greinasafninu er sjónum einnig beint að mismunandi flötum sögu og menningar frá hinsegin sjónarhorni. Hugtakið lífsförunautar er mátað við samband tveggja kvenna sem héldu saman heimili snemma á síðustu öld, hugað er að viðtökum Taílandsþríleiks Megasar og hinsegin þræðir raktir í skáldverkum Knuts Hamsuns, Halldórs Laxness og Hallgríms Helgasonar. Síðast en ekki síst er rýnt í tungumálið og meint kynhlutleysi orðsins maður.

Fléttur er ritröð RIKK – Rannsóknastofnunar í jafnréttisfræðum við Háskóla Íslands. Fléttum er ætlað að kynna niður­stöður jafnréttisrannsókna og koma á framfæri fræðilegum greinum um kvenna­ og kynjafræði, femínisma og jafnréttismál í víðum skilningi. 

Ensk útgáfa greinar Danielu Alaattinoğlu er fáanleg hér sem pdf-skjal, merkt kafli 21.

The English version of Daniela Alaattinoğlu's article, The Icelandic Exception: The Bodily Integrity of Intersex People, a Nordic Human Rights Blind Spot, is available here as a pdf (kafli 21).